Davron Fayziev Zidan va «Real» haqida fikr bildirdi

"Real Madrid" hujumida Ronaldu ketgach katta bo'shliq yuzaga keldi. Lekin, Zidan yana bir bor o'z salohiyatini namoyish etdi va muammo echimini topdi.

Hujumdagi etishmovchilikni u himoyadagi tartib bilan kompensatsiya qildi. Natijada Kurtua o'ziga keldi, Ramos o'zini bosib oldi, Varan esa aktivlashdi. "Real" La Ligada eng kam gol o'tkazdi (12), doim himoyasi bilan ajralib turadigan "Atletiko" singari.

Fundament qo'yib oldi Zidan. Endi agar Beyl futbol haqida o'ylashni boshlab, Azar "Madrid" uslubini tushunib olsa, "Real" rostmana kuchga kiradi. Shu sababli, oktyabr - noyabr oylarida Zidan ketadimi deb mendan intervyularda va kommentlarda so'rashganda, ketsa Peresning eng katta ahmoqligi bo'ladi, deb javob bergandim.

Buyuk futbolchilardan yaxshi murabbiy chiqmasdi. Chiqdi. Yaxshi emas, zo'r. Zinedin Zidan!

Davron Fayziev.