Sulsher: «Pogba yanvarda «MYu»ni tark etmaydi»

«Manchester Yunayted» bosh murabbiyi Ule-Gunnar Sulsher jamoa yarim himoyachisi Pol Pogba qishki transfer paytida jamoani tark etmasligini ma'lum qildi.

«Pogba yanvar oyida hech qayoqqa ketmaydi. "MYu" Ximenesni sotib olmoqchi? U bugun juda yaxshi o'ynadi. «Manchester Yunayted»ga o'tishi haqida mish-mish tarqatilayotgan navbatdagi ajoyib futbolchi. Bunday mish-mishlarga izoh bermayman», — dedi Sulsher.

Pol Pogba Angliya chempionatining ushbu mavsumida 6ta o'yinda ishtirok etdi. Bu bahslarda u gol urmadi, ikkita golga uzatma berdi.

28 yoshli Ximenes esa «Vulverxempton» safida ushbu mavsumda 27ta o'yinda maydonga tushib, 11ta gol urdi va 8ta golga uzatma berdi.