O'zbekiston va Qatar zamonaviy beshkurash bo'yicha yaqindan hamkorlik qiladi

Bir necha kun oldin O'zbekiston zamonaviy beshkurash federatsiyasida hisobot-saylov konferentsiyasi o'tkazilgan va unda Bahrom Gaziev tashkilot raisi etib saylangandi. U federatsiya rahbariga aylanganidan so'ng o'z rejalari bilan tanishtirib o'tgandi.

Kecha, 11 dekabr kuni Bahrom Gaziev Qatar zamonaviy beshkurash federatsiyasi bosh kotibi Badir al Darvesh bilan uchrashdi. Uchrashuv davomida tomonlar o'zaro hamkorlikni rivojlantirish, qo'shma o'quv-mashg'ulot yig'inlarini tashkil qilish, tajriba almashish va boshqa muhim masalalarni muhokama qilishdi. Shuningdek, tajribali mutaxassislarni mashg'ulotlarga jalb qilish masalasi ham ko'rib chiqildi.

Ma'lumot uchun, O'zbekiston zamonaviy beshkurash federatsiyasi o'z oldiga Tokio 2020 Olimpiadasiga litsenziya qo'lga kiritish vazifasini qo'ygan.