«Samba Gold 2019» «Liverpul» a'zosiga nasib etdi
/ Kiritdi: BestMaster Ko'rilgan: 390
«Liverpul» darvozaboni Alisson Bekken "Samba Gold 2019" sovrini egasiga aylandi.
Xabaringiz bor, ushbu sovrin Evropada o'ynayotgan yilning eng yaxshi braziliyalik futbolchisiga topshiriladi. G'olib nomi jurnalistlar, futbolchilar va internet foydalanuvchilari o'rtasida o'tkaziladigan so'rovnoma orqali aniqlanadi.
O'tkazilgan so'rovnoma natijasida 27 yoshli posbon 35,54% ovoz to'pladi.
Ikkinchi pog'onani «Liverpul» hujumchisi Roberto Firmino (23,48%) egallagan bo'lsa, «PSJ» himoyachisi Tiago Silva (10,46%) kuchli uchlikka kirdi.
To'rtinchi o'rin «Liverpul»ning yana bir a'zosi – Fabino (8,03%)ga nasib etdi. Neymar esa 7,57% ovoz bilan 5-o'rinni egalladi.
«Samba Gold 2019» 2008 yildan beri topshirilib kelinadi. Uning ilk sohibi «Milan» klubi sobiq futbolchisi Kaka bo'lgandi. Neymar va Tiago Silva 3 martadan nominatsiyada g'olib chiqishgan. Shuningdek, Luis Fabiano, Filippe Koutino, Maykon va Firmino bir martadan Braziliyaning Evropadagi eng yaxshi futbolchisi nomiga sazovor bo'lishgan.
Bosh sahifaga
229