«Biz bir jamoamiz». Terma jamoamizni qo'llab-quvvatla!

Kecha futbol bo'yicha O'zbekiston milliy terma jamoasi Osiyo Kubogidagi ishtirokini g'alaba bilan boshladi. Yigitlarimiz birinchi turda Ummon terma jamoasini 2:1 hisobida mag'lub etishdi. Biz esa o'yinni yakuniy hushtak chalinguncha hayajon bilan kuzatdik. 

Bilasizmi? Mazkur uchrashuv oldidan terma jamoamiz bosh murabbiyi yordamchisi Mahmud Fayoz va videotasvirchi Jamoliddin Solihov futbolchilarimiz uchun o'ziga xos syurpriz tayyorladilar. Aniqrog'i, har bir futbolchining xonalari eshigiga gol kiritgan yoki g'alaba qozongan paytdagi hissiyotlari aks etgan suratlar ilib chiqildi. Futbolchilar ertalab uyg'onib, xonadan chiqishganida ruxlantiruvchi, yuqori kayfiyat bag'ishlovchi ana shu suratlarni ko'rishlari mumkin edi. Shuningdek, ularda g'alabaga chorlovchi shiorlar ham yozilgandi: "Osiyo kubogi bizniki!", "Ilojsiz narsaning o'zi yo'q", "Siz o'z maqsadingizga erisha olasiz!".