"Real" chap qanoti muhim o'yinda kimga ishonib topshiriladi?

Madridning "Real" klubi chorshanba oqshomida Chempionlar ligasi chorak final javob o'yinida "Arsenal"ni qabul qiladi.

Marca nashri xabariga ko'ra, "qirollik klubi" bosh murabbiyi Karlo Anchelotti ushbu muhim o'yinda jamoa chap qanot himoyasiga David Alabani emas Fran Garsiyani maydonga tushirishni rejalashtirmoqda.

Londonda o'tgan dastlabki o'yinda madridliklar safida avstriyalik himoyachi ilk daqiqalardan maydonda harakat qilgan edi.