O'zbekiston terma jamoasi bugun Dubayda Turkmanistonga qarshi mashg'ulotlarni boshlaydi

Bugun, 10 yanvar kuni O'zbekiston terma jamoa a'zolari Sharjadan Dubay shahriga yo'l oladi.

Dubaydagi “Crowne plaza” mehmonxonasiga joylashgach, tushlikdan so'ng futbolchilarga hordiq beriladi.

Kechqurun mahalliy vaqt bilan soat 18:00da Dubaydagi "SAAD Al-Nahda" o'yingohida mashg'ulot bo'lib o'tadi. Mashg'ulotning dastlabki 15 daqiqasi OAV uchun ochiq.

Eslatib o'tamiz, O'zbekiston MTJ 13 yanvar kuni Osiyo Kubogidan o'rin olgan ikkinchi uchrashuvni Turkmaniston terma jamoasiga qarshi Dubaydagi “Rashid Stadium” o'yingohida o'tkazadi.

Uchrashuv mahalliy vaqt bilan soat 20:00da (Toshkent vaqti bilan soat 21:00da) boshlanadi.