Arteta: «Men baxtliman. O'yinimiz yaxshilanmoqda»

«Arsenal» bosh murabbiyi Mikel Arteta Angliya chempionatining 21-turi doirasida bo'lib o'tgan «Manchester Yunayted»ga qarshi o'yin (2:0) borasida o'z fikrlarini bildirib o'tdi.

«Hissiyotlar ajoyibu g'aroyib. Men juda baxtliman va futbolchilarning bugun ko'rsatgan o'yinidan faxrlanaman.

Birinchi bo'lim ikkinchisiga nisbatan ancha yaxshi bo'ldi. Rejalarimiz yaxshi ish berdi. O'yindagi intrigani ertaroq o'ldirish uchun imkoniyatlarga ega bo'ldik. Tanaffusdan keyin jismoniy tomonlama pasaydik. Lekin jonbozlik va ishtiyoq yuqori darajada bo'ldi.

O'yin boshidanoq o'zgacha muhitni his qilgan edim. Muxlislarga minnatdorchilik bildiraman, ularga bizga haqiqatan ham kerak. Ishqibozlar biz bilan bo'lishsa, o'yinchilar yaxshiroq harakat qilishadi. Umid qilaman, bugun biz ularga qandaydir faxr tuyg'usini bera oldik.

O'yinimiz yaxshilanib bormoqda. Bugun g'alaba qozonishni juda istagandik va buni amalga oshirdik», – dedi Arteta.