APL. «Tottenxem» mehmonda mag'lub bo'ldi

Joze Mourino boshchiligidagi "Tottenxem" klubi "sovg'alar" haftasida 3 xil natija qayd etdi: g'alaba, durang va mana endi — mag'lubiyat.

"Shporlar" Angliya chempionatining 21-turi doirasida «Sautgempton» mehmoni bo'lishdi. Bahsning 6-daqiqasida mehmonlar hisobni ochishlari mumkin edi. Keynning 16 metrdan yo'llagan zarbasidan keyin mezbonlar posboni mahorat bilan to'pni qaytardi.

Oradan ko'p o'tmasdan londonliklar posboni mahorat ko'rsatishiga to'g'ri keldi. Neytan Redmond tomonidan yo'llangan zarbani Gassaniga qaytardi. Bahsning 18-daqiqasida esa Denni Ingz chiroyli gol urdi. Jarima maydoniga etkazilgan to'pni futbolchi qabul qildi, Alderveyreldning ustidan oshirdi va 12 metrdan zarba berib, hisobni ochdi.

Birinchi taym tugashiga 5 daqiqa qolganida "Chelsi" himoyachisi Yan Vertongen 3 metrdan darvozaga aniq zarba bera olmadi.

Uchrashuvning 74-daqiqasida Xarri Keyn to'pni raqib darvozasiga joylagan edi. Ammo VAR "millimetrli" ofsaydni aniqlab, golni bekor qildi. O'yin so'ngida ikkala jamoa bittadan qulay imkoniyatni ko'kka sovurdi.

Shu tariqa, "Tottenxem" klubi tengma-teng kechgan o'yinda "Sautgempton"ga imkoniyatni boy berdi.

Angliya chempionati, 21-tur
Sautgempton – Tottenxem 1:0 (1:0, 0:0)
Gol: 1:0 – 17 Ingz.
Sautgempton – Makkarti, Stivens, Bertran, Bednarek, Soaresh, Armstrong (Romeu, 90), Xeyberg, Jenepo (Long, 58), Uord-Prouz, Redmond, Ingz (Obafemi, 76).
Tottenxem – Gassaniga, Vertongen, Ore, Alderveyreld, Sessenon, Alli, Ndombele (Lo Chelso, 25), Sissoko, Lukas Moura, Eriksen, Keyn (Lamela, 75).
Ogohlantirishlar: Lo Chelso (36), Jenepo (53), Sissoko (61), Bednarek (68), Ore (70), Uord-Prouz (72), Eriksen (90).