Anchelotti: «Gvardiola — aqlbovar qilmas murabbiy»

«Everton» bosh murabbiyi Karlo Anchelotti «Manchester Siti» ustozi Xosep Gvardiola sha'niga iliq fikrlar bildirdi. Jamoalar bugun, 1 yanvar kuni APLning 21-turi doirasida o'zaro to'qnash kelishadi.

«Gvardiola — aqlbovar qilmas murabbiy. U bilan munosabatlarimiz yaxshi. Asosan matbuot anjumanlarida ko'rishsak-da o'zaro hurmatimiz cheksiz.

Xosep — haqiqiy geniy. Har ikkala jamoa maydonda qandaydir o'ziga xos ishni amalga oshirmoqda. Biz esa Evropaning eng yaxshi jamoasiga qarshi to'qnash kelayotganimizdan xursandmiz.

Transferlar? Bu boradan ko'p mish-mishlar bor, lekin bu normal holat. Men rahbariyat bilan 5 yanvardan keyin uchrashaman. O'shandagina rejalarni muhokama qilishimiz mumkin», — dedi Anchelotti.