Mirjalol Qosimov: «Yangi 2020 yil o'zbek futboli va yurtimiz uchun har taraflama omadli bo'lsin»

Jamoamiz bosh murabbiyi, o'zbek futboli afsonasi Mirjalol Qosimov yurtdoshlarimiz, AGMK klubi tizimida mehnat qilayotgan xodimlar, o'zbek futboli jamoatchiligi hamda muxlislarni yangi kirib kelayotgan 2020 yil bilan qutlaydi.

— «Kirib kelayotgan yangi 2020 yil bilan barcha yurtdoshlarimiz, AGMK klubi tizimida mehnat qilayotgan butun jamoa, o'zbek futboli jamoatchiligi va barcha muxlislarni chin qalbimdan tabriklayman! Yangi yil vatanimiz, xususan o'zbek futboli uchun ham har taraflama omadli bo'lishini tilayman. Bo'lajak Osiyo chempionatida O'zbekiston OTJ o'z oldiga qo'yilgan asosiy vazifa — Tokio-2020 Olimpiada yo'llanmasini qo'lga kiritib, butun xalqimizni xarsand qilishlariga ishonamiz! Shuningdek, yoshlarimiz chempionlik unvonini ham munosib himoya qilishiga tilakdoshman! Yurtimiz gullab-yashnayversin! Yangi yilda o'sish va rivojlanish yo'lidagi jamoamiz — AGMK ham Olmaliq shahri va bizga yuqori e'tibor qaratayotgan OKMK kombinati sharafini munosib himoya qilib, katta maqsadlar sari dadil qadam tashlashi uchun qattiq mehnat qilamiz! O'zbek xalqiga yangi kirib kelayotgan 2020 yil muborak bo'lsin! Barcha oiladan qut-baraka arimasin!», — deya tabrikladi Mirjalol Qosimov.