So'nggi 10 yillikning eng kuchli futbolchilaridan tashkil topgan ramziy terma jamoa

Taniqli “Goal 24” nashri so'nggi 10 yil davomida yuqori saviyadao'yin namoyish qilgan futbolchilardan tashkil topgan ramziy terma jamoani e'lon qildi. Ushbu ro'yxatdan yangi asrning ikkinchi o'n yilligi davomida o'sishga erishgan futbolchilargagina joy taqdim etilgan bo'lib, futbolchining klub va terma jamoasi uchun erishgan yutuqlari ham inobatga olingan.

Darvozabon: Manuel Noyer

Noyer Jahon Chempioni bo'libgina qolmay, EChL musobaqasida ham shoxsupaga ko'tarilgan kamsonli darvozabonlardan biri hisoblanadi. Shuningdek uning hisobida 7 ta Bundesliganing oltin medllari mavjud. Soddaroq qilib aytganda, Germaniya futbolining tirik afsonalaridan biri. Asrimizning ilk 10 yilligi Buffonga bag'ishlangan bo'lsa, ikkinchi dekadasida Noyer yaqqol ustunlik qildi. O'z o'yini bilan darvozabonlar uchun inqilobni amalga oshirgan Noyer haqli ravishda so'nggi 10 yillikning eng yaxshi darvozaboni desak, adashmagan bo'lamiz.

Dani Alves

2010-yilda Alves engilmas “Barselona”ning ajralmas bo'lagidan biri edi. Futbolchi qariyb 10 yil davomida yuqori tempda to'p surishga muvaffaq bo'libgina qolmay, sovrinlarni qo'lga kiritish borasida Messi va Ronalduni ham ortda qoldirdi. O'zining 35 yoshida ham top klublar e'tiborida turgan himoyachi ayni damda vatanida to'p surmoqda.

Serhio Ramos

Ramos 2003-yildan beri “qirollik klubi”ning asosiy tarkibidagi o'rnini hech kimga berib qo'ygani yo'q. 2010-yildan boshlab qanot himoyachisidan markazga ko'chgan Serhio yangi ampluasiga tezda kirishib ketdi. Uning himoyadagi o'yini Varan yoki Hummelsnikidan ikki kara kuchli bo'lmasligi mumkin, biroq to'purarlik mahorati uni o'zgaririb bo'lmas futbolchiga aylantirdi. Ortda qolayotgan 10 yillik davomida o'z gollari bilan jamoasini bir necha bor qutqarib qolgan sardor ushbu ro'yxatdan joy olishga yuz foiz xaqli.

Tiago Silva

O'z faoliyatini kuchsiz klublarda boshlaganiga qaramay, top darajadagi himoyachiga aylangan Tiagoni qayd etishimiz shart. Bundan 10 yil ilgari “Milan” jamoasida ko'rinish bergan braziliyalik himoyachi hozirgi kunga qadar ishonchli o'yin namoyish etib kelmoqda. 35 yoshga qadam qo'yganiga qaramay, uning yuqori sport formasini alohida qayd etib o'tish lozim.

Filip Lam

Bu nuqtaga Jordi Alba yoki Marseloni ham qo'yishimiz mumkin edi, biroq filipning futbolchilik statusi qolgan ikki raqibidan balandroq bo'lgani inobatga olindi. Butun boshli Germaniya futboli rivoji uchun ulkan xissa qo'shgan qanot himoyachisi yutish mumkin bo'lgan barcha sovrinlarni qo'lga kiritdi. Yuqorida nomi zikr qilinganlardan farqli o'laroq, uning faoliyatida biror marotaba ham pasayish kuzatilmadi. Xatto Gvardiola uni qanotdan markazga ko'chirganda ham!

Serhio Buskets

2010-yilda boshlagan “Barselona”ning gegemoniyaligi ortida Serhioning qanchalar katta mehnati yotgani ko'pincha yoddan ko'tariladi. Ispaniya futboli bu yigitdan minaddor bo'lishi shart. Aynan uning hizmatlari evaziga ushbu yurt terma jamoasi ikki bor qit'ada va bir bor dunyoda tengsiz bo'lishni uddaladi.

Luka Modrich

Barcha bu joyda Xavining paydo bo'lishini tahmin qilgan bo'lsa, ajab emas. Tushuntirib beramiz. Xavi o'zining eng gullagan davrlarini 2010-yilga qadar o'tkazdi va 2015-yilda jamoani tark etdi. Modrich esa, bundan 10 yil ilgari “Tottenhem”da ishonchli o'yin namoyish etishni boshlagan iqtidorli futbolchi edi. 8 yil davomida “Real Madrid” libosida harakat qilgan qahramonimiz qo'lga kiritish mumkin bo'lgan barcha sovrinlarga ega chiqdi. Bundan tashqari, o'rtamiyona terma jamoasini mundial finaliga qadar etakladi. Uning “Oltin to'p”ni qo'lga kiritgani esa, faoliyatidagi sovrinlarning mantiqiy yakuni bo'ldi desak, adashmagan bo'lamiz.

Andres Inesta

Xavi va Modrichdan farqli o'laroq, Andres chinakam universal futbolchi edi. Vaziyat taqozosiga qarab, murabbiylar undan qanot hujumchisi, aldamchi to'qqizlik, hujukor yarim himoyachi sifatida foydanlanishar, qahramonimiz esa, barcha nuqtada birdek ishonch bilan harakatlanar edi. Boz ustiga JCh finalini hal qilgan gol muallifini ro'yxatga kiritmaslik mumkin emas.

Krishtiyanu Ronaldu

No comment

Robert Levandovskiy

So'nggi 10 yillikning eng yaxshi hujumchi nomiga bir emas bir nechta nomzodlar mavjud. Ibrahimovich, David Villa, Benzema va xatto Edinson Kavani ham bu ro'yxatda bo'lishga haqli. Shunday bo'lsada, unutmaslik lozim, bundan 10 yil muqaddam Robert Polsha chempionatidan Bundesligaga ko'chin o'tgan yosh va tajribasiz futbolchi edi. O'tgan vaqt davomida Bundesliga tarixidagi eng yaxshi to'purarlardan biri darajasiga ko'tarila oldi.

Leonel Messi

No Comment

Murabbiy : Yurgen Klopp

Bu borada bir nechta murabbiylarning alohida qayd etib o'tish joiz. Simione va Mourino sovrinlardan chetda qolgani bois, asosiy raqobat Gvardiola va Klopp o'rtasida kechdi. Shu o'rinda tan olish lozim, Pep shu kunga qadar qaysi klubda ishlamasin doimmo katta transferlarni talab qilgan. Undan farqli o'laroq Yurgen “Borussiya Dortmund”da ham “Liveprul”da ham o'rtamiyona futbolchilardan super klub tuzishni uddalaganini unutmaslik lozim. Aynan shu asprekt sababli Klopp o'z raqibini ortda qoldirdi.