Fekir: «Messi bilan o'yin uslubimiz o'xshash»

«Betis» yarim himoyachisi Nabil Fekir o'z o'yinini «Barselona» hujumchisi Lionel Messining o'yiniga o'xshatdi.

«Messi bilan o'yin uslubimiz o'xshash, lekin, keling, aqldan ozmaymiz — men u kabi yaxshi o'ynay olmayman. Ba'zi jihatlar bo'yicha men unga o'xshashman. Messi — insonlarga yoqadigan o'yin namoyish qiladi. Uning o'yini tufayli odamlar futbolni yaxshi ko'rishga majbur bo'lishadi», — dedi Fekir.

Fekir Ispaniya chempionatinig ushbu mavsumida 15ta o'yinda maydonga tushib, 4ta gol urdi va 2ta golga uzatma berdi. Uning «Betis» bilan shartnomasi 2023 yilning yoziga qadar tuzilgan.