APL. «Bo'rilar» ham «Liverpul»ni to'xtata olmadi

Angliya chempionatining 20-turi doirasida «Liverpul» o'z maydonida «Vulverxempton»ni qabul qilib, oson bo'lmagan g'alabani qo'lga kiritdi.

Mersisaydliklar uchrashuvni ancha fol boshlashdi. Birinchi bo'limda Saloh va Mane yaqin masofalardan darvozaga aniq zarba bera olishmadi.

Taym so'ngida esa VAR tomonidan ko'rib chiqilgan ikkita vaziyat ro'y berdi. Van Deyk maydon markazidan havolatib raqib jarima maydoni tomon uzatma berdi. Lallana esa elkasi bilan Mane tomon uzatma berdi. Sadio yaqin masofadan darvozani ishg'ol qildi. To'p haqiqatan ham Adamning qo'li emas, elkasiga tekkanini va uzatma berilayotganda Mane ofsaydda emasligini VAR aniqladi.

Birinchi bo'limga qo'shib berilgan daqiqalarda esa "bo'rilar" hisobni tenglashtiruvchi golni urishdi. Ammo "Vulverxempton" futbolchisi qandaydir millimetr ofsaydda bo'lgani tufayli gol bekor qilindi.

Ikkinchi bo'limda to'p nazorati, hujumlar soni bo'yicha ustunlik Klopp shogirdlari tomonida bo'ldi. Ammo bir to'p farqi qaltis hisob ekanini mersisaydliklar yaxshi his qilib turishdi. "Bo'rilar"ning zarbalari xavfli bo'ldi, ammo ularga aniqlik etishmadi.

O'yinning borishi va hisobga olinmagan golni inobatga olganda, "Vulverxempton" bugun durangga loyiq edi. Ammo "Liverpul" muhim g'alabani qo'lga kiritib, o'z ochkolarini 55taga etkazib oldi.

Angliya premer-ligasi, 20-tur
Liverpul – Vulverxempton 1:0 (1:0, 0:0)
Gol: 1:0 – 42 Mane.
Liverpul – Alisson, van Deyk, Robertson, Gomes, Aleksander-Arnold, Xenderson, Veynaldum (Milner, 86), Lallana (Keyta, 67), Mane, Saloh, Firmino (Origi, 86).
Vulverxempton – Ruy Patrisiu, Kastro, Bennett, Kilmen, Ruben Vinagre, Dendonker (Traore, 58), Moutinyu, Netu, Ruben Nevesh (Saiss, 58), Koudi, Diogu Jota (Ximenes, 72).
Ogohlantirish: Lallana (45).