APL. «Chelsi» «Arsenal» maydonida g'alabani «o'g'irlab» ketdi

Angliya chempionatining 20-turi doirasida muxlislar London derbisiga guvoh bo'lishdi. «Arsenal» o'z uyida «Chelsi»ni qabul qildi.

Lempard shogirdlari o'yinni faol boshlagandek ko'ringan bo'lsa-da, 13-daqiqada hisobni "kanonirlar" ochishdi. O'zil burchakka yaqin joydan darvozaning yaqin ustuni tomon uzatma berdi. Chembers esa to'p yo'nalishi o'zgartirgan bo'lsa, Per-Emerik Obameyang 5 metrdan darvozani ishg'ol qildi.

Oradan 5 daqiqa o'tib Aleksandr Lyakazett juda qulay imkoniyatdan foydalana olmadi. Aks holda hisobdagi farq oshgan bo'lardi.

O'yin tugashiga 12 daqiqa qolganida Arteta jamoasi gol urish uchun qulay imkoniyatdan foydalana olmadi. Jo Uillok 11 metrdan darvoza tomon aniq zarba bera olmadi.

Bahs tugashiga 7 daqiqa qolganida esa "Arsenal" darvozaboni Bernd Leno qo'pol xatoga yo'l qo'ydi. Jarimadan etkazilgan uzatmaga posbon eta olmadi. Jorjino esa bo'sh qolgan darvozani osonlik bilan ishg'ol qildi.

Oradan 4 daqiqa o'tib "Chelsi" raqibni "ko'mib" qo'ya qoldi. Mehmonlar qarshi hujumda 3ga 3 holatga chiqib ketishdi. Temmi Abraham esa darvozabonnin oyoqlari orasida to'pni o'tkazib, to'rga joyladi.

Ushbu g'alabadan keyin "Chelsi" o'z ochkolarini 35taga etkazib, 4-pog'onani mustahkamladi. "Arsenal" esa 12-o'ringa tushib qoldi.

Angliya premer-ligasi, 20-tur
ARSENAL – ChELSI - 1:2 (1:0, 0:2)
Gollar: 1:0 – 13 Obameyang, 1:1 – 83 Jorjino, 1:2 – 87 Abraxam.
Arsenal – Leno, Meytlend-Naylz, Chembers (Mustafi, 23), David Luiz, Ozil (Uillok, 76), Genduzi, Torreyra, Nelson (Pepe, 86), Lyakazett, Obameyang, Saka.
Chelsi – Arrisabalaga, Aspilikueta, Zuma, Tomori (Lempti, 59), Emerson (Jorjino, 34), Maunt, Kovachich (Xadson-Odoi, 70), Villian, Kante, Ryudiger, Abraxam.
Ogohlantirishlar: Genduzi (10), Maunt (30), Kante (30), Ryudiger (34), David Luiz (47), Jorjino (55), Torreyra (73), Lyakazett (77), Meytlend-Naylz (90).