O'zbekiston yoshlar terma jamoasi «Oq-tepa» bilan bahs yuritdi

O'zbekiston yoshlar terma jamoasi dekabr oyi oxirida o'quv-mashg'ulot yig'ini o'tkazishi haqida xabar bergan edik.

Bilasiz, endilikda ushbu yosh toifasidagi terma jamoamizga Timur Kapadze ustozlik qilmoqda. Mahoratli mutaxassis shogirdlari 24-29 dekabr sanalari oralig'ida poytaxtimizda mashg'ulotlar olib borishdi.


Yig'in so'nggida terma jamoamiz “Oq-tepa” klubiga qarshi nazorat o'yini o'tkazdi. Qiziqarli tarzda kechgan uchrashuv 3:2 hisobida “Oq-tepa” klubi foydasiga hal bo'ldi. Terma jamoamiz safida kiritilgan gollarga Ulug'bek Xoshimov hamda Muzaffar Olimjonov mualliflik qilishdi.

Nazorat o'yini
O'zbekiston U-19 – “Oq-tepa” 2:3
Gollar: Ulug'bek Xoshimov, Muzaffar Olimjonov.
O'zbekiston U-19: Asad Polvonov, Alibek Davronov, Jasur Xoldorov, Saidazamat Mirsaidov, Ibrohimxalil Yo'ldoshev, Jasur Jaloliddinov, Diyor Ramazonov, Diyor Rahimqulov, Xojimat Erkinov, Ulug'bek Hoshimov, Muzaffar Olimjonov.