Pim Verbek: «O'zbekiston to'liq himoyaga yotib oldi»

Akmal Eshonxonov

Sharja shahridan maxsus

Osiyo Kubogi musobaqasining 1-turida O'zbekiston Ummon terma jamoasi ustidan 2:1 hisobida g'alaba qozondi. O'yindan so'ng bo'lib o'tgan matbuot anjumanda Ummon terma jamoasi murabbiyi Pim Verbek jurnalistlar savollariga javob qaytardi.

“Ha, bugun yaxshi o'ynadik. O'yinning birinchi bo'limida golga tortadigan ikkita vaziyat yaratdik, o'yin tomonlama ham raqibdan ustunlik qildik. Faqat O'zbekiston termasi jarima zarbasini golga aylantirdi. Raqib bu vaziyatda omadli chiqdi.

O'yinga gap-so'z bo'lishi mumkin emas, shunchaki ajoyib o'ynadik, ko'plab hujumlar uyushtirdik. Agar ikkinchi golni o'tkazmaganimizda, bu o'yin bilan kamida bir ochko ishlashga munosib edik. Dastlabki o'yin bo'lgani sababa futbolchilarda hayajon ham ezildi.

Endi asosiy e'tiborimizni kelgusi o'yinlarga qaratamiz. Yaponiya hamda Turkmanistonga qarshi o'yinlarda 4 ochko olishimiz kerak. Aytayotgan rejam amalga oshsa, guruhdan chiqishimiz mumkin.

Ummon deyarli barcha o'yinlarda qator vaziyatlar yuzaga keltiradi. Lekin bizning kamchiligimiz hujumlarda oxirgi nuqtani qo'ya olmayotganimiz deb o'ylayman. Vaziyatlarni golga aylantirish muammosi bilan ko'proq shug'ullanamiz.

O'zbekiston birinchi bo'limda gol urgandan so'ng to'liq himoyaga yotib oldi. Umuman olganda uchta imkoniyatdan ikkita gol urdi va bu g'alaba keltirdi. Bilasizmi, futbolda eng muhimi natija. To'g'ri, Ummon chiroyli o'ynadi, biroq yakunda bu naf bermadi. O'zbekiston kam sonli vaziyatlardan to'g'ri foydalandi.