Gvardiola: «Chempionlik haqida o'ylashdan ma'no qolmadi»

«Manchester Siti» bosh murabbiyi Pep Gvardiola «Vulverxempton»ga qarshi o'yindan keyin APLda chempionlik imkoniyati haqida gapirdi.

«80 daqiqa davomida bir kishi kam bo'lib o'ynash juda qiyin. Biz hisobni ushlab qola olmadik. Keyingi o'yin haqida, ularda qanday g'alaba qozonish haqida o'ylash kerak. «Liverpul»ga etib olish haqida o'ylash real holat emas. 48 soatdan keyin navbatdagi o'yin kutib turibdi.

O'yin so'ngida himoyalana olmadik, raqib esa so'nggi daqiqaga qadar aqlbovar qilmas darajada jang qildi. Gollardan qutulib qolishimiz mumkin edi.

Futbolchilarimda afsuslanish hissiyoti yo'q. Ular hisobni ushlab qolish uchun qo'ldan kelgan barcha ishni qilishdi».

VAR haqida
«Men ko'rmadim. Yaxshisi VAR haqida gapirmagan ma'qul».

«Liverpul» bilan oradagi farq haqida
«Ular ancha olislab ketishdi. Chempionlik poygasi haqida gapirishdan ma'no yo'q. Menga anchadan beri bu savolni berib kelishadi. Javobim esa o'sha-o'sha», – dedi Gvardiola.