Mourino: «Eriksen kelajagi haqida o'zi gapirishi kerak»

«Tottenxem» bosh murabbiyi Joze Mourino yarim himoyachi Kristian Eriksenning kelajagi haqida gapirdi.

«Nazarimda, uning kelajagi haqida ma'lumotga egaman. Boisi, u men bilan ochiq gaplashadi. Biz bir-birimizga ishonamiz. Ammo Kristian o'z kelajagi haqida o'zi gapirishi kerak, men emas.

Mendagi hissiyotga ko'ra, u bizga yordam berishni istaydi. Muammolarga duch kelganimda, menga yuqori saviyali futbolchi kerak. Men esa bunday paytda uni maydonga tushiraman».

Eslatib o'tamiz, «Real» va «Manchester Yunayted» Eriksenni qo'lga kiritish uchun eng asosiy da'vogar bo'lib turishibdi.