Sardor Rashidov: «Ilk o'yin biz uchun juda qiyin kechdi»

O'zbekiston terma jamoasi yarimhimoyachisi Sardor Rashidov Osiyo Kubogi guruh bosqichining 1-turidan o'rin olgan Ummonga (2:1) qarshi o'yindan so'ng, o'z fikrlari bilan o'rtoqlashdi.

"Musobaqaning dastlabki o'yini biz uchun og'ir o'tdi. Ammo hamjihatlik bilan o'ynab, yaratilgan vaziyatlardan unumli foydalanib qoldik. 

Albatta g'alaba har qanday jamoani qoniqtiradi. Menimcha, musobaqaning ilk o'yini bo'lgani uchun qiynaldik. Keyingi bahslarda bizga engil bo'ladi deb o'ylayman.

Turkmaniston terma jamoasi? Ularni Yaponiyaga yutqazganini eshitdik. Biroq, Turkmaniston ham yaxshi shakllangan jamoa, unga qarshi puxta tayyorgarlik ko'ramiz", - dedi Rashidov.