Aguero — APLning so'nggi 10 yildagi eng yaxshi futbolchisi

"Manchester Siti" hujumchisi Serxio Aguero, VVS versiyasiga ko'ra, Angliya premer-ligasining so'nggi 10 yildagi eng yaxshi futbolchisi deb topildi.

O'tkazilgan so'rovnomada argentinalik futbolchi 26 foiz ovoz bilan 1-o'rinni egalladi. Ikkinchi pog'onani "Liverpul" Jeyms Milner egalladi (12%). "Lester" hujumchisi Jeymi Vardi (11%) esa undan biroz ortda qoldi. "Manchester Yunayted" va "Everton" klublari sobiq hujumchisi Ueyn Runi (10%) 4-pog'onani band etdi.

31 yoshli Aguero 2011 yilning yozida "Manchester Siti"ga o'tgan edi. U "shaharliklar" safida barcha musobaqalar doirasida 355ta o'yinda maydonga tushib, 244ta gol urdi va 71ta golga uzatma berdi.

Angliya chempionatidagi eng yodda qolgan voqea sifatida "Lester"ning chempionligi (2016) tan olindi. Ushbu voqea uchun 38 foiz ovoz berildi. Bu boradan ikkinchi o'rinni Serxio Aguero tomonidan 2012 yilda "Kuinz Park Reynjers" darvozasiga urilgan gol egalladi (29%).