O'zbekiston milliy terma jamoasi Osiyo Kuboklarini qanday boshlagan?

Bugun O'zbekiston milliy terma jamoasi Ummonga qarshi o'yin orqali Osiyo Kubogidagi yurishini boshlaydi. Uchrashuv oldidan terma jamoamizning avvalgi Osiyo Kuboklaridagi dastlabki o'yinlarini eslab o'tishga qaror qildik 

1996 yil: O'zbekiston – Xitoy 2:0 (musobaqadagi yagona g'alabamiz)

2000 yil: O'zbekiston – Qatar 1:1 (musobaqadagi yagona durangimiz)

2004 yil: O'zbekiston – Saudiya Arabistoni 1:0 (o'sha musobaqada terma jamoamiz guruhdagi barcha o'yinlarda 1:0 hisobida g'alaba qozonib, chorak finalgacha etib borgan)

2007 yil: O'zbekiston – Eron 1:2 (vakillarimiz hisobni ochganliklariga qaramay, o'yinda mag'lub bo'lishgan. Musobaqada chorak finalgacha etib borganmiz)

2011 yil: O'zbekiston – Qatar 2:0 (ochilish o'yinida musobaqa mezbonlari mag'lub etilgan. Yakunda terma jamoamiz Osiyo Kubogida 4-o'rinni egallagan)

2015 yil: O'zbekiston – KXDR 1:0 (musobaqada chorak finalgacha etib borganmiz).

Statistikaga nazar tashlaydigan bo'lsak, musobaqadagi birinchi uchrashuvimiz arab jamoalariga qarshi o'tkazilganda biz mag'lub bo'lmaganmiz (Qatarga qarshi bir g'alaba va durang, Saudiya Arabistoni ustidan g'alaba). Umid qilamizki, Ummonga qarshi o'yndan so'ng ham ushbu omadli statistika davom etadi.

Fors ko'rfazi mamlakatlarida o'tkazilgan musobaqalardagi dastlabki o'yin bo'yicha hisoblaydigan bo'lsak, biz ularda ham g'alaba qozonganmiz (1996 yil Xitoy, 2011 yilda Qatar, har ikki o'yinda ham raqiblar 2:0 hisobida mag'lub etilgan).

Bugun Osiyo Kubogi-2019 doirasida o'tkaziladigan dastlabki uchrashuvda terma jamoamizga omad tilaymiz!