Rossiyada yil futbolchisi aniqlandi. Shomurodov to'rtinchi

«Zenit» klubi va Rossiya milliy jamoasi hujumchisi Artyom Dzyuba Rossiya Futbol Ittifoqi (RFI) va «Sport-Ekspress» nashri talqiniga ko'ra, Rossiyaning 2019 yildagi eng yaxshi futbolchisi deb topildi.

Rossiyaning «Oltin to'p» sovrini uchun o'tkazilgan so'rovnomada milliy jamoa bosh murabbiyi, RPL klublari bosh murabbiylari, klublar menejerlari, «Sport-Ekspress» jurnalistlari, shuningdek muxlislar ham ishtirok etishdi.     

Yakuniy natijalarga ko'ra, Artyom Dzyuba 222 ochko bilan birinchi, «Monako» yarimhimoyachisi Aleksandr Golovin 156 ochko bilan ikkinchi, «Lokomotiv» yarimhimoyachisi Gjegoj Krixovyak 129 ochko bilan uchinchi o'rinni egalladi.

«Rostov» klubining o'zbekistonlik hujumchisi Eldor Shomurodov 82 ochko bilan to'rtinchi bo'ldi.