Umid Ahmadjonov: «Osiyo Kubogini O'zbekistonga olib ketamiz»

O'FA birinchi vitse-prezidenti Umid Ahmadjonov Ummon terma jamoasiga qarshi o'yindan so'ng o'zbekistonlik futbolchilarni g'alaba bilan tabrikladi.

“Chiroyli o'yin namoyish qilib, millionlab futbol muxlislarini, butun o'zbek xalqini xursand qildingiz. Biz Sizlarga barcha shart-sharoitlarni yaratib berishga tayyormiz. Bosh murabbiyning barcha talablarini bajarib kelyapmiz. Bundan bu yog'iga ham bajarishda davom etamiz. Har bir g'alaba uchun O'FA mukofot pullari ajratiladi. Asosiysi Vatan, ota-onangiz, yaqinlaringiz, xalqingiz uchun futbol o'ynang!

Fikru xayolingiz faqat g'alaba qozonib, yuzimizni yorug' qilishgaga qaratilsin. Albatta, chempiion bo'lish vaqti etib keldi. Osiyo Kubogini O'zbekistonga olib borib, muxlislarimizni, xalqimizni, muhtaram Prezidentimizni xursand qilamiz degan umiddaman. Shu maqsad yo'lida barchamiz bir tan va bir jon bo'lib harakat qilishimiz kerak. Sizlarni g'alaba bilan tabriklayman”, - dedi Umid Ahmadjonov.