De Xea ushbu mavsumda 6ta qo'pol xatoga yo'l qo'ydi

Angliya chempionatining 18-turidan o'rin olgan «Uotford»ga qarshi o'yinda «Manchester Yunayted» klubi imkoniyatni boy berdi.

Bahsning 50-daqiqasida mankunianliklar darvozaboni David de Xea qo'pol xatoga yo'l qo'ydi. Ispaniyalik posbon raqib jamoa futbolchisi Ismaila Sarr tomonidan bosh bilan yo'llangan, u qadar kuchli bo'lmagan zarbani qo'llari orasidan o'tkazib yubordi.

Shu tariqa, De Xea 2018/19 mavsum boshlanganidan beri raqibning goli bilan yakunlangan 6ta qo'pol xatoga yo'l qo'ydi. APL klublarining hech bir darvozaboni ushbu mavsumda bunchalik ko'p qo'pol xato qilmagan.

David de Xea APLning ushbu mavsumda 18ta o'yinda maydonga tushib, 22ta to'p o'tkazib yubordi. U faqat ikkita uchrashuvda o'z darvozasi daxlsizligini saqlab qolgan.