"Real Sosedad" ustozi: "Ayni paytda "Barselona"ga qarshi o'ynash juda qiyin"

Imanol Alguasil "Barselona"ga qarshi o'yindagi chetlatilish haqida gapirdi.

"Barselona" La Liganing 26-turida o'z maydonida "Real Sosedad"ni 4:0 hisobida mag'lub etdi.

17-daqiqada mehmonlardan Arits Elustondo darvozabon bilan yakkama-yakka qochish imkoniyatiga ega bo'lgan "ko'k-anorranglilar" yarim himoyachisi Dani Olmoga qarshi qo'pollik qildi.

Uchrashuv bosh hakami Alexandro Kintero 30 yoshli futbolchiga qizil kartochka ko'rsatishga qaror qildi.

"Chetlatish adolatli bo'ldi, bu qoidabuzarlikning oldini olish mumkin edi. "Barselona"ga qarshi 11 va 11 o'ynash shundoq ham qiyin. 10 kishi qolganimizdan keyin juda qiyin bo'ldi. Ularning hozirgi formasi juda ajoyiyu", - dedi "Real Sosedad" bosh murabbiyi.