O'zbekiston olimpiya terma jamoasining BAA yig'ini kundaligi: To'rtinchi kun

Tailandda bo'lib o'tadigan 23 yoshgacha bo'lgan futbolchilar o'rtasidagi Osiyo chempionati start olishiga ham 3 haftadan ozroq vaqt qoldi.

O'zbekiston olimpiya terma jamoasi ayni paytda mazkur musobaqaga tayyorgarlikning yakuniy bosqichini olib bormoqda. BAAda yig'in tashkil etayotgan olimpiyachilarimiz kuni kecha yig'in doirasidagi ilk nazorat o'yinini o'tkazdi va BAAning “Al-Arabiy” klubini 4ta to'p farqi bilan mag'lub etdi.

Terma jamoamizning to'rtinchi kungi mashg'ulotlari ham ko'tarinki ruhda o'tdi. Mashg'ulot BAA futbol assotsiatsiyasi maydonida o'tkazildi. Futbolchilar dastlab engil yugurib olishdi. So'ngra to'p bilan bajariladigan mashqlarga o'tildi. Mashg'ulotlarda barcha futbolchilar qattiq mehnat qilishmoqda.