Boks. Entoni Joshua: «100 trillion foiz biz yana Ruis bilan uchrashamiz»

WBA, WBO, IBF, IBO yo'nalishlari bo'yicha og'ir vazn toifasida jahon chempioni Entoni Joshua (23-1, 21 KO) meksikalik Endi Ruis (33-2, 22 KO) bilan trilogiya uyushtirish istagi haqida gapirib o'tdi.

"100 trillion foiz, biz yana uchrashamiz. Men har doim Meksikada Ruis bilan jang qilgan bo'lardim deb, aytganman.

Men majburiy da'vogarlar bilan jang qilib bo'lganimdan so'ng, biz u bilan kelishishimiz mumkin ", dedi Joshua.

Joshua va Ruis o'rtasidagi revansh 7 dekabr kuni bo'lib o'tdi.

Britaniyalik bokschi hakamlarning bir ovozdan chiqargan qarorlari bilan kamarlarini qaytarib oldi.