«Metallurg» markaziy stadionida sug'orish tizimi butunlay yangilanadi

2019 yilgi mavsumga hozirlik ko'rayotgan “Metallurg” PFK O'zbekiston professional futbol ligasi talablaridan kelib chiqqan holda markaziy stadionda keng ko'lamli ta'mirlash ishlarini olib bormoqda. Muqaddam “Metallurg” markaziy stadionida tribuna o'rindiqlarini yangilash, maydonning holatini yaxshilash, tekislash, yangi urug' qadash, drenaj tizimini mukammallashtirish borasida ishlar boshlanganligi haqida ma'lumot bergandik.

Bugun Toshkentdan yana bir mutaxassis taklif etildi. U maydonning sug'orish tizimini butunlay o'zgartirish, zamonaviy tarzda yangilash bo'yicha loyihalarini klub rahbariyatiga taklif etdi. Ikki tomon muzokarasi natijasida bu borada hamkorlikka kelishib olindi. “Metallurg” markaziy stadionida sug'orish tizimi ham mavsum boshlangunga qadar to'liq o'zgartirilib, foydalanishga topshiriladigan bo'ldi.