«El-klasiko». O'yin boshlanmasidan «Barselona» bitta yo'qotishga uchradi

«Barselona» yarim himoyachisi Arturo Vidal bugun klub qarorgohini tark etdi. Chililik futbolchi "Real"ga qarshi o'yin uchun boshlang'ich tarkibdan o'rin olmaganini bilgach, qattiq g'azablandi.

Jamoadoshlari Vidalni tinchlantirishga harakat qilishdi, ammo 32 yoshli futbolchi klub bazasini o'z ixtiyori bilan tark etdi. Arturo "Barsa"ning kengaytirilgan tarkibidan o'rin olgan edi.

Vidal ushbu mavsumda «Barselona» safida 17ta o'yinda maydonga tushib, 4ta gol urdi va bitta golga uzatma berdi.

«Barselona» – «Real» o'yini 18 dekabr kuni Toshkent vaqti bilan 00:00da boshlanadi.