Angliya liga kubogi. «Aston Villa» «Liverpul» yoshlarini yirik hisobda mag'lub etdi (videosharh)

Angliya liga kubogi chorak final bosqichi doirasida dastlabki o'yin bo'lib o'tdi. Asosiy tarkibning barcha futbolchilarini Qatardagi klublar o'rtasidagi jahon chempionatiga olib ketgan «Liverpul» «Aston Villa»ga qarshi o'yinni qoldirmaslikka va bu o'yinni yosh o'yinchilar bilan o'ynashga qaror qildi.

Natijada "Aston Villa" raqibini yirik 5:0 hisobida mag'lub etib, yarim finalga yo'l oldi. «Liverpul»ning asosiy tarkibi esa bugun «Monterrey»ga qarshi klublar o'rtasidagi JChning yarim final uchrashuvini o'tkazadi.

Angliya liga kubogi, chorak final
Aston Villa – Liverpul 5:0 (4:0, 1:0)
Gollar: 1:0 – 14 Xurixeyn, 2:0 – 17, avtogol Boys, 3:0 – 37 Kodjia, 4:0 – 45 Kodjia, 5:0 – 90 Uesli.
Aston Villa – Nyuland, Konsa, Al-Muxammadi, Teylor, Chester (Xoz, 77), Lensberi, Xurixeyn, Trezege, Duglas Luis, Xota, Kodjia (Uesli, 73).
Liverpul – Kellexer, Gallaxer, Xuver (Norris, 82), van der Berg, Boys, Keyn, Chirivelya, Xill, Kristi-Devis (Klarkson, 77), Longstaff (Birn, 65), Elliot.
Ogohlantirish: Kristi-Devis (41).