Futzal. AGMK — 5 karra O'zbekiston chempioni

Futzal bo'yicha O'zbekiston chempionatining 2-bosqich final uchrashuvlari seriyasi yakunlandi. Unda AGMK "Paxtakor" bilan chempionlik yo'lida bellashdi.

Aleksandr Petrov jamoasi barcha masalani uch o'yindayoq hal etib, navbatdagi oltin medallarga ega chiqdi.

Dastlabki o'yinda "Paxtakor"ga hech qanday imkoniyat qoldirmay 6:1 hisobida g'alaba tantana qilindi. Ikkinchi kungi seriyada esa AGMK nominal mehmon sifatida "Paxtakor"ni 5:4 hisobida taslim qildi. Bugun, ya'ni uchinchi seriyada AGMK "Paxtakor" darvozasiga javobsiz to'rtta gol urib, O'zbekistonning 5 karra chempioniga aylandi.

E'tiborlisi, AGMK qatorasiga beshinchi yili futzal shohsupasining yuqori cho'qqisida qolmoqda.

Futzal
O'zbekiston chempionati, 2-bosqich.
Final, 1-o'yin. 15 dekabr, yakshanba
AGMK — “Paxtakor” 6:1
Gollar: Rahmatov (5), Valijonov (17), Usmonov (23, 35), Nishonov (25), Umarov (34) - Choriev (24)

Final, 2-o'yin. 16 dekabr, dushanba.
“Paxtakor” — AGMK 4:5
Gollar: Shavkatov (14, 17, 19), avtogol (33) - Odilov (4), Hamroev (18, 25), Ropiev (21), avtogol (31)

Final, 3-o'yin. 17 dekabr, seshanba.
AGMK — “Paxtakor” 4:0
Gollar: Berdiev (1), Ropiev (9), Nishonov (20), Usmonov (27)

Umumiy hisobda jami uch o'yin davom etgan seriyada AGMK 3 g'alabaga erishib, "Paxtakor" darvozasiga 15ta gol yo'lladi va o'z darvozasidan 5ta to'p olib chiqdi — 15:5.