Maksim Shatskix «Rotor» klubi murabbiylar shtabiga kirishi mumkin

Avvalroq Kievning "Dinamo" jamoasining sobiq bosh murabbiyi Aleksandr Xatskevich "Rotor"ni boshqarishi xabar berilgandi.

Betting Insider xabariga ko'ra, 46 yoshli belarusiyalik mutaxassis o'z yordamchisi Maksim Shatskixga Volgograd klubining ikkinchi murabbiy lavozimini taklif qildi.

O'zbekiston milliy terma jamoasining sobiq hujumchisi, Kievning "Dinamo" klubida Xatskevichning yordamchisi etib tayinlanishidan oldin, Lobanovskiy nomidagi dinamochilar akademiyasida bir yil murabbiy bo'lib ishlagan.

25-turdan so'ng Rotor Olimp-FNL jadvalida peshqadamlik qilmoqda.