O'zbekiston olimpiya terma jamoasining BAA yig'ini kundaligi: Birinchi kun

Xabaringiz bor, O'zbekiston olimpiya terma jamoasi yanvar oyida Tailand yashil maydonlarida o'tkaziladigan U-23 Osiyo chempionatiga tayyorgarlik olib bormoqda.

Qit'a chempionatiga hozirlikning yakuniy bosqichini olimpiyachilarimiz Birlashgan Arab Amirliklarida o'tkazadi. 16 dekabr sanasida Lyubinko Drulovich shogirdlari Dubayga etib kelishdi va “Holiday Inn” mehmonxonasiga joylashdi. Tushdan so'ng esa “The Sevens” stadionida mashg'ulot o'tkazildi.

Mashg'ulot jarayoni ko'tarinki ruhda o'tdi. Yig'inga jalb etilgan barcha 23 nafar futbolchi mashg'ulotlarda jiddiy ter to'kmoqda.