A seriya. «Inter» so'nggi daqiqada g'alabani qo'ldan chiqardi (videosharh)

Italiya chempionatining 16-turi doirasida "Inter" safarda "Fiorentina" klubi mehmoni bo'ldi.

Bahsning 8-daqiqasida "neradzurri" Borxa Valeroning zarbasi evaziga hisobda oldinga o'tib oldi.

Butun o'yin davomida Konte shogirdlari raqib darvozasini ishg'ol qilish uchun bir nechta imkoniyatlarga ega bo'lishdi. Ammo ulardan foydalana olmay, milanliklar o'yinga qo'shib berilgan daqiqalarda g'alaba qo'ldan chiqarishdi. To'pni egallagan mezbonlar tezkor hujum tashkil qilishdi va Dushan Vlaxovich aniq zarba bilan hisobni tenglashtirdi.

Ushbu durang tufayli "Inter" o'z ochkolarini 39taga etkazib, ochkolar bo'yicha "Yuventus" bilan tenglashib oldi.

Italiya A seriyasi, 16-tur
Fiorentina – Inter 1:1 (0:1, 1:0)
Gollar: 0:1 – 8 Valero, 1:1 – 90+3 Vlaxovich.
Fiorentina – Drongovski, Lirola, Kaseres, Milenkovich, Dalbert, Kastrovilli (Esserik, 83), Pulgar, Keza (Vlaxovich, 59), Badel (Benassi, 66), Boateng, Petstselya.
Inter – Xandanovich, D`Ambrozio, Bastoni (Godin, 88), Shkrinyar, Biragi, Vesino, Brozovich, Valero (Agum, 84), de Vrey, Lukaku, Martines (Politano, 84).
Ogohlantirishlar: Brozovich (27), Bastoni (31), Badel (52), Dalbert (69), Valero (73), Martines (76), Pulgar (80).