Kurash bo'yicha Xalqaro seminar davom etmoqda

Xabar berganimizdek, poytaxtimizdagi O'zbekiston taekvondo assotsiatsiyasiga qarashli sport majmuasida milliy sportimiz bo'lgan kurash bo'yicha hakamlar hamda murabbiylar uchun xalqaro seminar davom etmoqda.   Xalqaro kurash instituti va O'zbekiston kurash federatsiyasi tomonidan tashkil etilgan mazkur anjumanda Eron, Ozarbayjon, Tojikiston, Qirg'iziston, Turkmaniston, Afg'oniston, Xitoy Taypeyi, Iroq hamda o'zbekistonlik 50 nafarga yaqin mutaxassis ishtirok etishyapti.         Kecha seminar ishtirokchilari bir ovozdan Xalqaro Kurash institutini Xalqaro Kurash Universitetiga aylantirish taklifini ma'qullashgani haqida xabar bergandik. Demak, bugun boshlangan amaliy mashg'ulotlarda mahalliy va xorijlik mutaxassislar kurash qoidalaridagi eng so'nggi yangiliklardan voqif bo'lishmoqda.   Xalqaro seminar 15 yanvarga qadar davom etadi.