APL. «MYu» durang o'ynadi, «Tottenxem» so'nggi daqiqada g'alabani ilib ketdi

Angliya chempionatining 17-turi doirasida ikkita o'yin yakuniga etdi.

"MYu" o'z uyida "Everton"ni qabul qilib, mag'lubiyatdan qutulib qoldi. Bahsning 36-daqiqasida to'p Lindelyofga tegib, mankunianliklar darvozasidan o'rin oldi. O'yin tugashiga 13 daqiqa qolganida Meyson Grinvud hisobni tenglashtiruvchi gol muallifiga aylandi.

Mourino boshchiligidagi "Tottenxem" safarda "Vulverxempton" klubi mehmoni bo'ldi. Bahsning 8-daqiqasidayoq Lukas Moura hisobni ochishga muvaffaq bo'ldi. Ikkinchi bo'lim o'rtalarida esa "bo'rilar" yarim himoyachisi Traore muvozanatni tikladi. O'yin qo'shib berilgan daqiqalarda esa Yan Vertongen "Tottenxem"ga g'alaba keltiruvchi gol muallifiga aylandi.

Bugungi natijalardan keyin "Tottenxem" o'z ochkolarini 26taga etkazib, "MYu"dan o'tib ketgan holda 5-o'ringa ko'tarilib oldi. Sulsher jamoasi esa 6-o'ringa tushib qoldi.

APL, 17-tur
Vulverxempton – Tottenxem 1:2 (0:1, 1:1)
Gollar: 0:1 – 8 Lukas Moura, 1:1 – 67 Traore, 1:2 – 90 Vertongen.
Vulverxempton – Ruy Patrisiu, Kastro, Doerti, Koudi, Moutinyu, Dendonker, Ruben Nevesh, Saiss, Traore, Diogu Jota, Ximenes.
Tottenxem – Gassaniga, Vertongen, Ore, Alderveyreld, Sanches, Dayer, Lukas Moura (Eriksen, 89), Sissoko, Alli (Uinks, 90), Son Xiin Min (Foyt, 90), Keyn.
Ogohlantirishlar: Moutinyu (60), Sanches (64), Kastro (65), Alderveyreld (69), Saiss (75), Dayer (77), Keyn (83), Dendonker (89).

Manchester Yunayted – Everton 1:1 (0:1, 1:0)
Gollar: 0:1 – 36, avtogol Lindelef, 1:1 – 77 Grinvud.
Manchester Yunayted – De Xea, Uan-Bissaka, Shou, Lindelef, Maguayr, Lingard (Grinvud, 65), Maktomini, Jeyms (Mata, 86), Fred, Marsyal, Reshford.
Everton – Pikford, Mina, Koulmen, Din (Beyns, 25), Xolgeyt, Bernard (Kin, 70; Nyasse, 89), Ivobi, Risharlison, Devis, Kin, Kelvert-Lyuin.
Ogohlantirishlar: Devis (5), Risharlison (57), Lindelef (66).