Levandovski Bundesliga to'purarlari ro'yxatida 3-o'ringa chiqib oldi

«Bavariya» hujumchisi Robert Levandovski Germaniya chempionatining 15-turi doirasida «Verder»ga qarshi bo'lib o'tgan o'yinda (6:1) "dubl"ga erishdi.

Shu tariqa, polshalik futbolchining Bundesligadagi jami gollari soni 220taga etdi. Bu musobaqa tarixidagi uchinchi ko'rsatkich hisoblanadi. Levandovski bu natija orqali Yupp Xaynkes bilan tenglashib oldi.

Gerd Myuller (365) va Klaus Fisher (268) Bundesliganing eng yaxshi to'purarlari bo'lib turishibdi.

Levandovski 2010 yildan beri Germaniya chempionatida faoliyat yuritadi. U 2014 yilda «Bavariya»ga o'tgunga qadar Dortmundning «Borussiya» klubi sharafini himoya qilgan.