Dzyudo. Toshkentdagi xalqaro o'quv-mashg'ulot yig'inlari o'zining qizg'in pallasida

Xabar berib o'tganimizdek, terma jamoalarimiz yangi mavsumga tayyorgarlik ko'rishni boshlab yuborganlar.

Jumladan, dzyudo bo'yicha terma jamoamiz a'zolari ham yil davomida o'tkaziladigan mas'uliyatli musobaqalarga tayyorlanmoqdalar. Shu kunlarda poytaxtimizdagi «Yoshlik» sport majmuasida dzyudo bo'yicha xalqaro o'quv-mashg'ulot yig'inlari bo'lib o'tmoqda. Unda Rossiya, Qozog'iston, Tojikiston, Afg'oniston, shuningdek Respublikamizning barcha viloyatlaridan tashrif buyurgan 600 nafarga yaqin sportchilar ishtirok etmoqdalar.

Qayd etish lozimki, 12 yanvarga qadar davom etadigan o'quv-mashg'ulot yig'inlari orqali sportchilar o'zaro tajriba almashish, nufuzli musobaqalarga munosib tayyorgarlik ko'rish imkoniyatiga ega bo'ladilar.