Valverde: «Hali «klasiko» haqida o'ylashga erta»

"Barselona" bosh murabbiyi Ernesto Valerde La liganing 17-turi doirasida bo'ladigan "Real Sosedad"ga qarshi o'yin oldidan o'z fikrlarini bildirib o'tdi.

"So'nggi yillarda "Real Sosedad"ga qarshi safar o'yinlari juda qiyin kechmoqda. Shu bois, hozir "klasiko" haqida emas, navbatdagi o'yin haqida o'ylayapmiz. "Real Sosedad" o'z o'yin rejasiga ega va uni qanday qilib amalga oshirishni yaxshi biladi. Raqib to'pni yo'qotgan zahoti uni olib qo'yishga kirishadi. Tezkor Merino va Edegor hujumda yaxshi harakat qilishadi. Uchrashuv qiyin o'tishini kutyapman.

"Klasiko" oldidan kuchni saqlab qolishdan ma'no yo'q. Boisi "Sosedad"dan olinadigan 3 ochko "Real"ga qarshi o'yinda qo'lga kiritiladigan uch ochko kabi muhim. Shuning uchun shanba kuni kuchli jamoalar to'qnash keladi", — dedi Valverde.

"Real Sosedad" — "Barselona" o'yini bugun — 14 dekabr, shanba kuni Toshkent vaqti bilan 20:00da boshlanadi.