Mourino Kloppning «Liverpul» bilan shartnomani uzaytirganiga izoh berdi

«Tottenxem» bosh murabbiyi Joze Mourino «Liverpul» ustozi Yurgen Kloppning jamoa bilan shartnomani uzaytirgani borasida o'z fikrini bildirdi.

«Demak, ular baxtli. Yurgen jamoada baxtli, aks holda u yangi shartnomaga imzo chekmagan bo'lardi. Klub ham bundan mamnun, aks holda murabbiyga yangi shartnoma taklif qilmagan bo'lardi. Lekin, ochig'ini aytsam, bu «Liverpul» muxlislari va o'yinchilari uchun ajoyib xabar. Boisi, ular Kloppni yaxshi ko'rishadi.

Shuningdek, bu Premer-liga uchun yaxshi xabar. Chunki bu erda eng kuchli futbolchilar va eng yaxshi murabbiylar faoliyat olib borishini istaymiz. U esa eng yaxshilardan biri», — dedi Mourino.