Besh nafar taekvondochimiz Xitoy Katta dubulg'a turniriga hozirlik ko'rmoqda

18-20 dekabr kunlari Xitoyning Usi shahrida taekvondo bo'yicha Katta dubulg'a turkumiga kiruvchi musobaqaning yakuniy bosqichi bo'lib o'tadi. Ahamiyatli jihati musobaqa yakunida Katta dubulg'a reytingida birinchi o'rinni qo'lga kiritgan taekvondochi Tokio Olimpiadasi yo'llanmasini ham qo'lga kiritadi. Shuningdek, Usida o'tadigan bosqich g'oliblari 70 ming AQSh dollari miqdoridagi pul mukofotiga ham ega bo'ladi. Shu bois mazkur musobaqaga bo'lgan qiziqish yanada yuqori bo'lib turibdi.

Ushbu Katta dubulg'a turnirida o'zbekistonlik 5 nafar taekvondochi ham g'oliblik uchun bahs olib boradi. Musobaqada ishtirok etuvchi vakillarimiz bilan tanishing:

-68 kg: Jasurbek Jaysunov
-80 kg: Nikita Rafalovich
-49 kg: Charos Qayumova
-67 kg: Nigora Tursunqulova
+67 kg: Svetlana Osipova