Kozak va Odil Ahmedov «Navbahor» mashg'ulotlarida ishtirok etishdi
/ Kiritdi: BestMaster Ko'rilgan: 341
Xabar berganimizdek, 10 dekabrdan jamoamiz mahalliy futbolchilar bilan yangi mavsumga tayyorgarlikni boshlagandi.
“Lochinlar” bugun ham “Markaziy” o'yingohning zaxira maydoni yonida joylashgan mini – futbol maydonchasida mashg'ulot o'tkazishdi.
Tayyorgarlik jarayonini doimgidek, “Navbahor”ning yordamchi murabbiylari - A'zam Rajabboev va Mustafo Bayramov olib borishdi.
E'tiborlisi, “lochinlar”ning bugungi mashg'ulotida O'zbekiston milliy terma jamoasining ikki nafar namanganlik vakili – Xitoyning “Shanxay SIPG” klubi yarim himoyachisi Odil Ahmedov hamda “Paxtakor” himoyachisi Vladimir Kozak ishtirok etishdi.Ta'kidlash joizki, mazkur futbolchilar o'z sport formalarini yo'qotmaslik maqsadida, “Navbahor” a'zolari bilan birgalikda shug'ullanishdi.
Shuningdek, namanganliklarning bugungi tayyorgarlik jarayonini yakuniga etgan mavsumning 1-davrasida jamoamiz sharafini himoya qilgan, 2-davrada esa Samarqandning “Dinamo” klubida to'p surgan tajribali hujumchi Bahodir Nasimov ham kuzatganligini ta'kidlash joiz.
Futbolchilarga mashg'ulotlarda kuch-quvvat tilab qolamiz.
“Navbahor” PFK matbuot xizmati.