Evropa ligasi. 1/16 final bosqichi qur'asi haqida foydali ma'lumotlar

Evropa ligasida guruh bosqichi yakunlanib, pley-offda ishtirok etadigan 32ta jamoaning nomi aniq bo'ldi. 1/16 final bosqichiga tashlanadigan qur'a haqida foydali ma'lumotlar bilan tanishtirib o'tamiz.

Qachon?
Qur'a tashlash marosimi 16 dekabr, dushanba kuni UEFA qarorgohi joylashgan Non shahrida bo'lib o'tadi. Tadbir Toshkent vaqti bilan 17:30da boshlanadi.

Kimlar ishtirok etadi?
Qur'ada Evropa ligasi guruh bosqichida 1-o'rinni egallagan 12ta jamoa, guruhda 2-o'rinni band etgan 12ta klub va Evropa chempionlar ligasi guruh bosqichida 3-o'rinni egallagan 8ta jamoa ishtirok etadi.

"Tanlanganlar"
"Arsenal" (Angliya)
"Ayaks" (Gollandiya)*
"Bazel" (Shveytsariya)
"Benfika" (Portugaliya)*
"Braga" (Portugaliya)
"Gent" (Belgiya)
"Zaltsburg" (Avstriya)*
"Inter" (Italiya)*
"Istanbul Bashakshehir" (Turkiya)
LASK (Avstriya)
"Malme" (Shvetsiya)
"Manchester Yunayted" (Angliya)
"Portu" (Portugaliya)
"Sevilya" (Ispaniya)
"Seltik" (Shotlandiya)
"Espanol" (Ispaniya)

"Tanlanmaganlar"

"Ayntraxt" (Germaniya)
"Alkmaar" (Gollandiya)
APOEL (Kipr)
"Bayer" (Germaniya)*
"Bryugge" (Belgiya)*
"Volfsburg" (Germaniya)
"Vulverxempton" (Angliya)
"Kopengagen" (Daniya)
"Ludogorets" (Bolgariya)
"Olimpiakos" (Gretsiya)*
"Reyndjers" (Shotlandiya)
"Roma" (Italiya)
"Sporting" (Portugaliya)
"Xetafe" (Ispaniya)
ChFR (Ruminiya)
"Shaxtyor" (Ukraina)*

* EChLdan o'tgan jamoalar

Savatchalarga qanday ajratilgan?
Barcha ishtirokchilar 2ta — "tanlanganlar" va "tanlanmaganlar" savatchalarga ajratilgan. Evropa ligasida guruh g'oliblari va EChLdan o'tgan jamoalar orasida eng yaxshi koeffitsientga ega bo'lgan 4ta klub "tanlanganlar" guruhiga qo'shildi.

Qur'a tartibi

— "Tanlanganlar" javob o'yinini o'z uylarida o'tkazishadi.

— Evropa ligasini bitta guruhda o'tkazgan jamoalar hamda bir mamlakat vakillari ushbu bosqichda o'zaro to'qnash kelishmaydi.

— Boshqa cheklovlar haqida qur'a paytida e'lon qilinadi.

1/16 final o'yinlari qachon o'tkaziladi?
Dastlabki o'yinlar 20 fevral, javob uchrashuvlari 27 fevral kunlari o'tkaziladi. O'yinlar Toshkent vaqti bilan 22:55 va 01:00da boshlanadi. Nimchorak finalga qur'a tashlash marosimi 28 fevral kuni bo'lib o'tadi.