Slot yosh shogirdining o'yinini baholadi

16 yoshli vinger Rio Ngumoxa "Liverpul"dagi debyutini Angliya kubogi doirasida "Akrington Stenli"ga qarshi o'yinda o'tkazdi va rekord o'rnatdi. 

O'yindan so'ng “Liverpul” ustozi Arne Slot yosh futbolchining o'yini haqida gapirdi.

"Ngumoxa yaxshi o'ynadi. Muxlislar nega biz uni iste'dodli deb o'ylashimizni tushunishdi. U yakkama-yakka vaziyatlarda yaxshi.

Birinchi bo'limda ikkinchisiga qaraganda yaxshi taassurot qoldirdik. Debyut o'yinda g'alaba qozonish yoqimli. Bu uning uchun alohida kun", dedi Slot.