Xoakin — La liga rekordini o'rnatdi
/ Kiritdi: BestMaster Ko'rilgan: 366
Ispaniya chempionatining 16-turi doirasida bo'lib o'tgan «Betis» – «Atletik Bilbao» o'yinida mezbonlar yarim himoyachisi Xoakin Sanches 18 daqiqa ichida raqib darvozasini 3 marta ishg'ol qildi.
Shu tariqa, 38 yoshli futbolchi Primera tarixida "xet-trik"ga erishgan eng yoshi ulug' o'yinchiga aylandi. Shu paytgacha bu rekord «Real» hujumchisi Alfredo Di Stefanoga tegishli edi. U bunday natijaga 37 yoshda erishgan edi.
Bundan tashqari, Xoakin o'yinning dastlabki 20 daqiqasi ichida 3ta gol urgan La liga tarixidagi ettinchi futbolchi bo'ldi. Bungacha bunday natijaga Bestit (FK "Evropa", 1929 yil), Mundo ("Valensiya", 1941), Emilin ("Ovedo", 1944), Pepilo ("Real Madrid", 1960), Kike Seten ("Rasing Santader", 1984) va Krishtianu Ronaldu ("Real", 2015) erishgan edi.
Eslatib o'tamiz, «Betis» – «Atletik» uchrashuvi 3:2 hisobida andalusiyaliklarning g'alabasi bilan tugadi.