APL klubi Abduqodir Husanovga hammadan ko'proq narx taklif qildi. Bu “Manchester Siti” emas

O'zbekiston milliy terma jamoasi va Frantsiyaning “Lans” klubi himoyachisi Abduqodir Husanov uchun kurashda “Nyukasl” klubi boshqalarni ortda qoldirishni niyat qilgan.

Manbaga ko'ra, Angliya klubi Husanov uchun “Lans”ga boshqa da'vogar klublardan ko'ra ko'proq narx taklif qilish niyatida. Saudiya shayxlari egaligidagi klub 20 yoshli o'zbekistonlik futbolchi uchun 20 million evro sarflashga tayyor.

Hozirda dunyoning boy klublardan biri hisoblangan “Nyukasl” Husanov transferi bo'yicha aniq muzokaralar o'tkazmoqda, biroq “Lans” himoyachini sotishdan 40 million evro ishlab olmoqchi.

Ma'lumot uchun, himoyachi uchun da'vogarlar qatorida Angliyaning “Manchester Siti”, “Lester”, “Chelsi”, Frantsiyaning “PSJ” klublari ham bor. Ma'lumotlarga ko'ra, “Man Siti” o'zbekistonlik himoyachini transferida favorit hisoblanadi.

Avvalroq Husanov uchun kurashga Madridning “Real” klubi ham qo'shilgani xabar qilingandi.