Jahonning eng qimmatbaho futbolchilari ro'yxati e'lon qilindi

Xalqaro sport tadqiqotlari markazi (CIES Football Observatory) Evropaning kuchli chempionatlarida o'ynayotgan futbolchilar orasida eng qimmatbaho o'yinchilarning ro'yxatini e'lon qildi. Futbolchilarning narxlari ushbu markaz mutaxassislari tomonidan hisoblab chiqildi.

Ushbu reytingning eng yuqori pog'onasini "PSJ" hujumchisi Kilian Mbappe egalladi. Frantsiyalik futbolchining narxi 218,5 million evroga baholandi. Ikkinchi o'rinni «Tottenxem» forvardi Xarri Keyn band etdi (200,3). Kuchli uchlikni parijliklar etakchisi Neymar egalladi (197,1).

Shuningdek, kuchli beshlikdan Rahim Sterling ("Manchester Siti", 185,8 mln. evro) va Muhammad Saloh ("Liverpul", 184,3) o'rin olishdi.

«Barselona» sardori Lionel Messi 171,2 million evro narx bilan 7-o'rinni egallagan bo'lsa, «Yuventus» hujumchisi Krishtianu Ronalduga 19-pog'ona berildi – 127,2 million evro.

CIES Football Observatory reytingi (top-10)

1. Kilian Mbappe («PSJ») – 218,5 million evro

2. Xarri Keyn («Tottenxem») – 200,3

3. Neymar («PSJ») – 197,1

4. Rahim Sterling («Manchester Siti») – 185,8

5. Muhammad Saloh («Liverpul») – 184,3

6. Paulo Dibala («Yuventus») – 171,9

7. Lionel Messi («Barselona») – 171,2

8. Romelu Lukaku («Manchester Yunayted») – 162

9. Filippe Koutino («Barselona») – 157

10. Leroy Sane («Manchester Siti») – 156,1