Mbappe «PSJ» to'purarlari kuchli o'nligiga kirdi

«PSJ» hujumchisi Kilian Mbappe klub tarixidagi to'purarlarning top-10ligiga kirdi.

U Frantsiya chempionatining 16-turi doirasida bo'lib o'tgan «Nant»ga qarshi o'yinda (2:0) bitta gol urdi. 20 yoshli futbolchi uchun bu parijliklar tarkibidagi 71-gol bo'ldi (101ta o'yinda). E'tiborli tomoni, Mbappe bu natijaga Neymarga nisbatan tezroq erishdi.

"Pari Sen-Jermen" to'purarlari ro'yxatini Edinson Kavani boshqarmoqda. Urugvaylik hujumchi jamoa safida jami 195ta gol urgan. Ikkinchi pog'ona esa Zlatan Ibrahimovichga tegishli.

«PSJ» tarixidagi eng kuchli to'purarlar ro'yxati quyidagicha (top-10):

1. Edinson Kavani (195 gol)

2. Zlatan Ibrahimovich (156)

3. Pedru Pauleta (109)

4. Dominik Roshto (100)

5. Mustafa Daleb (98)

6. Fransua M’Pele (95)

7. Safet Sushich (85)

8. Anxel Di Mariya (78)

9. Rai (72)

10. Karlos Byanki, Kilian Mbappe (ikkisi – 71tadan).