«Napoli» Anchelottini iste'foga chiqarishni rejalashtirmoqda

"Napoli" bosh murabbiyi Karlo Anchelotti katta ehtimol bilan yaqin vaqt ichida iste'foga chiqariladi. Bu haqda La Gazzetta dello Sport xabar tarqatdi.

Manbaga ko'ra, jamoa A seriya doirasida "Udineze" va Evropa chempionlar ligasi doirasida "Genk"ga qarshi bo'ladigan o'yinlarda g'alaba qozona olmasa, klub rahbariyati murabbiyni iste'foga chiqaradi.

Neapolliklar ketma-ket 8ta o'yindan beri g'alaba qozona olishmayapti. Jamoa 20 ochko bilan jadvalda 7-o'rinni egallab turibdi. Jamoa peshqadam "Inter"dan 17 ochko ortda qolib ketdi.

Avvalroq Anchelotti futbolchilar boshqa narsalarga chalg'imasliklari uchun ularni 4 kunga jamoa bazasiga qamashni rejalashtirayotgani haqida xabar tarqalgan edi.